Carl Berg

Ég er latur bloggari og aum sál !

2008-02-24T15:12:00.002Z

Já það verður seint sagt að ég sé með þeim ofvirkustu bloggurum landsins, það er alveg á hreinu. Ég hafði hugsað mér að hafa þetta svona hliðar síðu, og blogga hér kanski um málefni sem ekki er hægt að bjóða jakkafataklæddu liðinu sem heimækir maurildið.
En það hefur nú bara einfaldlega verið þannig að ég hef ekki nennt að blogga um nokkurn skapaðan hlut. Bara hreint ekki...og því eru nú heldur ekki margar færslurnar eftir mig á maurildinu, þessa stundina.
En ég neita þó að leggja árar í bát og gefa þessa síðu upp á bátinn. Hreint ekki. Ég er greinilega í svokallaðri "blogglægð" en hef fulla trú á því að þegar nær dregur vori, þá verði ég það iðinn við skrifin, að þið hafið vart undan við að lesa.

Það er ekkert að frétta... ég spilaði póker á föstudagskvöldið og stritaði við að þrífa ælu í mest allt gærkveld. Ekki var ég svo heppinn að vera að þrífa mína eigin ælu eftir gott fyllerí, því sonur minn var með ælupest og ég fékk það hlutverk að vera stoðin og styttan í þeim veikindum.
---
Ég sá nú ekki laugardagspínuna í gær, en sá þó þegar úrslitin voru tilkynnt. Friðrik Ómar táraðist eins og fegurðardrottning þegar hann þakkaði þjóðinni stuðninginn uppá sviði. Svona rétt eins og honum hafi verið tilkynnt að hann yrði næstu forseti. Sem betur fer þá er hann nú bara að fara að skía á sig í Júróvisíon, en ekki flytja inn á Bessastaði. Það urðu margir fyrir vonbrigðum með að lagið hans Barða skuli ekki hafa unnið, en ég er nú nokkuð sáttur við að Mongólíta wannabe-ið sem kallar sig Gillzenegger skuli þurfa að kaupa sterana sína hérna heima á íslandi í stað þess að fara til útlanda í veslunnarferð á minn kostnað. Barði sem slíkur, er auðvitað snillingur, þó hann hafi verið svona 1-2 árum á eftir með þetta júrópopp sitt. En guð minn almáttugur hvað ég er hræddur um að evrópa hefði ekki fattað húmorinn í því að hafa þessa fábjána á sviðinu sem fluttu lagið, ef það var þá húmor á annað borð. Gillz hélt í alvörunni að hann væri svalur, standandi þarna líkt og hann væri með 50 tommu spýtu upp í rassgatinu, og sveiflandi höndunum eins og út úr spíttaður póstburðarmaður í jólavertíðinni. Það var þó eftirtektarvert að hann gat ekki verið í takti við lagið með nokkru móti, og hélt því áfram að vera jafn hallærislegur og hann hefur alltaf verið. Þar sannast hið fornkveðna...sterar hjálpa bara ekki öllum:)
Það er svo sem ekki mikið meira að segja í þessari færslu...hver er ekki kominn með ógeð á færslum um borgarmálin, loðnuveiðibann, múslima og stýrivexti ?? ...
--...
Að lokum... passið ykkur í umferðinni, klæðið ykkur vel, og Rósa:; Ég elska þig.

kv, Birkir

Sjaldséðir eru hvítir...

2008-02-16T23:45:00.002Z

Jú sælt veri fólkið...

Eins og þið hafið tekið eftir hef ég ekki verið duglegur við að blogga hér...ástæðan er almenn leti, svona að mestu leyti...en einnig að ég skrifa þessa dagana mest á "hina blogg síðuna mína"..

www.maurildi.blogspot.com

þar skrifum við bræður um allt milli himins og jarðar...þeir einbeita sér aðallega að því að skrifa um eitthvað leiðinlegt, en ég eitthvað skemmtilegt !

Mér var tjáð að á maurildinu mætti ég skrifa um hvað sem væri, þegar ég vildi, og bræður mínir lofuðu mér að reyna að vera eins lítið leiðinlegir og hægt væri....þeir hafa svikið þetta síðastnefnda....

Ég er í algeru bullstuði í kvöld og ætla því að segja ykkur frá því afhverju eldri bróður mínum er illa við mig.:

Þannig er nefnilega mál með vexti að þegar við vorum litlir strákar (kanski fjögurra og fimm ára), þá var hann eitthvað að frekjast við mig, eins og venjulega, og ég sagði einfaldlega hingað og ekki lengra....
Ég tók matchbox vörubílinn sem hann var að reyna að stela af mér, og henti honum í ennið á honum!!! Ég er hitinn maður að upplagi og því small bílinn snyrtilega á milli augabrúnanna á honum og blóðið byrjaði samstundis að vætla niður smettið á honum !!
Á meðan ég stóð hlægjandi og horfði á fyrstu kennslustund mína í því hvað gerist þegar maður fær sár á ennið, hljóp bróðir minn grenjandi og klagaði í mömmu. Að sjálfsögðu var honum hjúkrað, hann snyrtur og svo tók við klukktíma knús og kjass...
Ég man enná eftir því hvað hann glotti til mín á meðan hann var að segja mömmu frá því hvað ég væri vondur strákur, og hún svaraði með því að strjúka honum um kinnarnar!

Mörgum árum síðar, og jafnvel enn þann dag í dag, talar bróðir minn um daginn sem ég henti vörubíl i ennið á honum. Hann hefnir sín reglulega, og er búinn að steingleyma því að það var hann sem átti upptökin og var " ðe búllí" í þessu tilviki, rétt eins og í öllum tilfellum allar götur síðan.
Okkur lendir orðið sjaldan saman, bræðrunum...en ef það gerist...þá er það oftar en ekki vegna þess að hann ræðst á mig...og þrymur út úr sér orðunum; "manstu þegar þú hentir vörubíl í ennið á mér" ???

Því langar mig að spyrja ykkur lesendur góðir...hvenær fyrnast svona brot ? Hversu lengi þarf ég að lifa við það, að bróðir minn getur lamið mig og pínt, vegna þess að ég henti vörubíl í ennið á honum þegar hann var 5 ára ???

Carl Berg

ég lifi...svona hér um bil

2008-02-08T22:42:00.000Z

Þetta verður stutt..

Ég skrifa hér, bara rétt til að láta ykkur vita að ég sé á lífi og alls ekki hættur að blogga. Ég er tiltölulega nýkomin frá Liverpool og ýmislegt hefur á daga mína drifið undanfarið....ég hef því margt að segja, en verð að geyma það þangað til síðar..

Ég hef átt við veikindi að stríða undanfarna daga, og hef því ekki geta skrifað.. ég er ekki orðinn hress, en verð það vonandi um helgina... þá hendi ég inn glæsilegri færslu og ferðasögu.

Þangað til....verið þolinmóð börnin góð..

Carl Berg

Stutt pása ...nei maður segir bara svona...

2008-01-30T22:05:00.000Z

Kveldið!!!!

Ég kem nú til með að minnka aðeins að blogga hérna, á meðan ég er að sjá hvernig bloggsíðan www.maurildi.blogspot.com er að þróast. Þar hef ég ákveðið að skrifa eitthvað smávegis á næstunni, ásamt bræðrum mínum tveim, sem báðum er illa við mig.

þar koma þeir til með að skrifa um eitthvað hundleiðinlegt, eins og heimspeki og eitthvað bull sem ég er að sjálfsögðu of heimskur til að skilja. Ég er hinsvegar að skrifa um daglegt líf og það sem á daga mína hefur drifið á þessri síðu, og hvet ég dygga lesendur mína til þess að kíkja við á síðunni, og koma mér til varnar ÞEGAR bræður mínir byrja að leggja mig í einelti og pína mig andlega á allan þann máta sem þeim dettur í hug.

Af mér er það svo að frétta að ég er á leið erlendis um helgina, að sjá Liverpool taka Sunderland í bakaríið í ensku deildarkeppninni. Um Liverpool er hins vegar að að segja að þeir eru svo drullu lélegir þessa dagana, að það er ótrúlegt að ég skuli vera að eyða stórfé í það að fara að horfa á þá spila. Svei mér þá... þeirra vegna vona ég að ég hitti engan þeirra úti á götu í borginni!!!

En...vegna úrslita kvöldins... þá er ég í of vondu skapi til þess að skrifa... ég sem sagt kem til með að skrifa næsta pistil á www.maurildi.blogspot.com og lesendur verða bara að bíða og kíkja reglulega inná þá heimasíðu...

Insjallah...Carl Berg

Laugardagskvöld

2008-01-26T21:26:00.000Z

Hver man ekki eftir því hvað laugardagskvöldin voru skemmtileg í gamla daga ? Þá voru feitustu bitarnir á dagskrá í sjónvarpinu, flestir í fríi og við krakkarnir fengum stundum nammi og gos... eða ef vel viðraði í buddunni, ís í skál .
--
Þetta er eitthvað svo skemmtilegt í minningunni. Ef ég kafa djúpt í kollinn á mér, þá var reyndar minningin eitthvað á þessa leið:
--
Búið var að kaupa slatta af sælgæti og um leið og staðið var upp frá matarborðinu, voru báðir bræður mínir farnir að suða um að fá sína hluta af namminu..helst ekki mikið seinna en strax!! Eldri bróðir minn lokaði sig þá strax af í herberginu sínu til þess að lesa eða teikna og yngri bróðir minn fór að gera einhverjum óleik og almennt að vera fyrir. Ég fór hinsvegar með minn hluta af namminu inní herbergi og sparaði það að einhverju leyti. Þegar mér fór að leiðast, þá kíkti ég í herbergi eldri bróður míns, og oft var yngri bróðir minn að gera honum lífið leitt þar fyrir. Sá elsti var að sjálfsögðu löngu búinn með nammið sitt og ég endaði oft á því að gefa honum helminginn af mínu nammi líka, af því að ég vorkenndi honum svo mikið, að eiga ekkert nammi. Yngri bróðir minn átti það svo auðvitað til að vera lúmskari en andksotinn, og birtast löngu seinna með allt sitt nammi, og veifa því framan í okkur.
Það verður bara að segjast eins og er, að þeir bræður eru nú dulítið nánari heldur en "restin af hópnum", og það kom fyrir að ég leið fyrir það. Þeim eldri leiddist til dæmis ekkert að véla smá nammi af þeim yngri, þegar hann var búinn með sitt, og þeim yngri leiddist ekkert að láta véla sig á þennan hátt, því þá fékk ég auðvitað EKKERT :)
---
En hvort sem namminu var jafnt skipt eða ekki, þá stendur það nú fyrst og fremst uppúr að það var alltaf hægt að hlamma sér í sófann fyrir framan sjónvarpið og horfa á eitthvað skemmtilegt á laugardagskvöldum...svona ef bræður mínir voru ekki í stuði til að einoka sófann og banna þeim þriðja að fá að sitja þar :) Það var nefnilega alltaf eitthvað skemmtilegt í sjónvarpinu á laugardagskvöldum á þessum tíma.
--
En nú er öldin önnur, skal ég segja ykkur... Það stóð nefnilega aldrei til að að þessi pistill yrði um hvað bræður mínir voru vondir við mig ( Það kom bara að sjálfu sér:) Það eru einmitt laugardagskvöldin sem eru tilefni skrifanna að þessu sinni.
---
Hvernig dettur einhverjum heilvita manni að halda , að almenningur hafi gaman af því grá-bölvaða sjónvarpsefni sem borið er á borð fyrir okkur í hverri einusti viku, þessi misserin ? Í alvöru talað, sjónvarpið á laugardagskvöldum er svo fáránlega leiðinlegt að ég hef staðið sjálfan mig að því að fara frekar út með ruslið, þvo þvott og vaska upp!!!, en að horfa á þetta rugl.
Spaugstofan hefur nú verið á dagskrá síðan árið 1912 og eldist jafn illa og ferskt grænmeti. Það er ekki einn fyndinn brandari í þessum þætti. Reyndar er bara einn brandari í þessum þætti yfir höfuð, en hann er ekkert fyndinn. Þeir stögglast á sama draslinu skets eftir skets, svona rétt eins og þjóðinn þurfi að láta tyggja ofan í sig brandarann til þess að fatta hann. Ég gæti eflaust skrifað 1500 orða pistil um léleg gæði spaugstofunnar, en ætla bara að láta staðar numið hér... þetta er sem sagt ónýtt drasl, sem enginn nennir orðið að horfa á, og sóun á fé skattborgara!!!
--
Eftir að Haugsugunni líkur, þá tekur við enná leiðinlegra sjónvarpsefni...Laugardagskvölin!
Þessi þáttur snýst um það að fá 500 leiðinleg lög til að keppa um hvert þeirra er leiðinlegast og allt gert til þess að tryggja að maður fái nú örugglega ógeð á þeim öllum. Þættirnir eru nefnilega 1100 og hafa að ég held verið á dagskrá í mörg ár...alltaf sömu lögin. Í hverri viku dettur sem sagt eitt lag út,og um hver einustu áramót koma öll lögin sem duttu út, og keppa um það að fá að koma aftur inn. Ég hef ekki hugmynd um hver verður sigurvegari í þessari vitleysu..hvort það verður leiðinlegasta, eða skemmtilegasta lagið. Í hverjum mánuði er svo auðvitað upprifjunnarþáttur með öllu draslinu og á rás 2 keppa svo lögin sem endanlega duttu út, um að fá að komast aftur í þáttinn. Þannig að nú þegar höfum við séð hvert lag flutt um að bil 84 sinnum. Inná milli reynir svo blondínan Ragnhildur "Stuð-un" að fá áheyrendur til að gera bylgjur, telja á finnsku, klappa og syngja....hún fær froðuheila og fávita af öllum stærðum og gerðum í heimsókn og alltaf tekst henni að segja allavega einu sinni ; "eigum við kanski að fá áheyrendur til að ....." Eigum við hver??? Dettur manni stundum í hug að spyrja... Gísli á það til að segja eitthvað fyndið, og það er ekki farið að leyna sér neitt, að hann er farinn að vita af því. Hann er búinn að segja brandara um skallann á sér í 23 þætti í röð.... Ég ætla nú ekki einu sinni að fjalla um dómnefndina í þessum þætti að öðru leyti en því að Erpur er svo glataður og smákrakkalegur að ég gæti kúkað!!!
---
En...hvað tekur svo við, eftir að laugardagskvölinni er lokið ? Þið sem skutuð á sprenghlægilega gamanmynd frá árinu 2007 eða magnaða spennumynd frá svipuðu ári, ættuð kanski að reyna að þrauka það að sitja í sófanum heima hjá ykkur heilt svona kvöld og sjá í alvöru að að gerist ekki! Það er nefnilega ekki svo óalgengt að þulan hefi upp sína raust og tilkynni okkur, sem erum þvinguð til að borga þetta apparat, eitthvað á þessa leið: nú er að hefjast Frönsk-Ungversk sjónvarpsmynd frá árinu 1973, um konu sem ber nafnið Chepie, og heldur af stað til að leita föður síns eftir síðari heimstyrjöldina. Hún kemur að öllum dyrum lokuðum, en þegar hún hittir mállausan Austurrískan bónda, þá taka hlutirnir nýja stefnu. Með aðalhlutverk fara þau John Wolfowitz, Erika Usler, Maria Hackenbob og Frederic Ganz. Leikstjóri er Robert Lauren.
--
Já hvað er hægt að segja þegar maður fær viðlíka sprengju og þetta í sjónvarpinu hjá sér á laugardagskvöldi ? Maður má auðvitað bara þakka fyrir að það er ekki boðið upp á svona "kavíar" á gamlárskvöld, því þá sæist eflaust ekki kjaftur úti að sprengja flugelda, hvað þá að kíkja á djammið......
--
Má ég þá frekar biðja um gömlu góðu dagana þegar bræður mínir voru að veifa namminu sínu framan í mig og henda mér úr sófanum, eða hvað það var sem þeir fundu uppá til að gera mér lífið leitt... :)

Carl Berg

Blogg frá Norðfirði !! bannað innan 18 ára !!

2008-01-23T22:42:00.001Z

Á þessari stundu er síðuhaldari staddur við Norðfjörð, nánar tiltekið í því guðsvolaða sjávarplássi, Neskaupsstað !!
---
Að nokkrum manni skuli detta í hug að blogga frá Neskaupsstað (eða búa þar yfirleitt) , er eflaust flestum heilbirgðum mönnum þónokkur ráðgáta. En ég tek það skýrt fram að ég var neiddur með hótunum, ofbeldi og ýmsum kúgunum til þess að koma hingað og fá fullkomna sönnun fyrir því hversu ógeðslegt skítapleis þetta í rauninni er.
---
Neskaupsstaður er í mínum huga eitt það allra vesælasta og aumingjalegasta drulluþorp sem fyrir finnst á landinu. Ég þykist hafa komið til ansi margra staða á landinu og sjálfsagt unnið í öðruhverju plássi sem á annað borð heitir eitthvað.... en guð minn almáttugur.... Neskaupsstaður er það allra ömurlegasta af öllu ömurlegu sem ég hef kynnst...
----------
Maður gæti svo sem fyrirgefið fávitunum sem búa hérna, fyrir að hafa ákveðið að byggja hérna samfélag á þessum fáránlega stað. Ég gæti líka vel fyrirgefið þeim sem datt í hug að hafa íbúabyggðina hérna 17 kílómetra langa, en aðeins 11 cm breiða. Ég gæti jafnvel fyrirgefið þessi, út úr korti, fáránlega mjóu og asnalegu göng sem maður þarf að fara í gegnum til þess að komast hingað.....En...
-----------------
Þessa endalausu forheimsku, og fávitahátt í fólkinu sem býr hérna, get ég bara því miður ekki fyrirgefið með nokkru móti.....því miður... ég hef bara ekki leyfi til þess að fara svo á bak við samvisku mína að geta fyrirgefið þetta.
----
Ég tek það skýrt fram, að ég er ekki að dvelja hér í fyrsta skipti, og hef haft all mikil kynni af bólubjánunum sem ennþá nenna að hanga hérna. Ég ætla að trúa ykkur fyrir þeirri staðreynd að það er enginn skemmtilegur einstaklingur búandi á Neskaupsstað. Hér er bara leiðinlegt fólk, og fram úr hófi þreytandi. Ef þið bara vissuð hvað ALLIR pirra mig hérna... jesús kristur og allir hans fylgisveinar.
----
Til þess að lesendur þessarrar síðu, geti betur glöggvað sig á því hversu frámunalega, fáránlega bjánalegt fólk býr hérna, þá ætla ég að lýsa ööööööörrr stuttum samskiptum mínum við eina manneskju eða tvær, og ýtreka að ÖLL mín samskipti við þjóðflokkinn sem býr hérna hafa verið ámóta gáfuleg.
---
1. Saga :
Ég hitti mann á bryggjunni og ..... sá strax að þetta var rakalaus fáviti svo ég sleppti því að tala við hann.
---
2. Saga:
Ég fór í Egilsbúð, við fjórða mann, og pöntuðum við okkur að snæða. Maðurinn sem sat á móti mér, fékk sér vatn að drekka með matnum en ég pantaði Mix. Að sjálfsögðu þurfti einhver að klúðra því flókna fyrirbæri og Mixið mitt var ódrekkandi. Þegar ess-mælta þjónustugeitin kemur með matinn minn, þá segi ég kurteisislega við hana. Já, fyrirgefðu, gæti ég fengið vatn með þessu ? Rangeygð starði stúlkan í augu mér með beyglaðan munnsvip af fyrirleitningu. Eftir að hafa horft stíft á mig eins og ég væri fáviti (eða að ég væri frá Neskaupsstað en ekki hún:) í 20 sekúndur, þá teygði hún hendina í vatnið hjá sessunaut mínum og ýtti því til mín og sagði með fyrirlitningar tón; já,,,,hérna. !!! Sessunautur minn byrjaði auðvitað strax að brosa og sagði kurteisislega; Já, Nei...sko... ég er með þetta vatn! Þá ýtir daman Mixinu nær mér og segir " Nú...þá ert þú með þetta " !!!! !!! Ég fékk næstum heilablóðfall við að reyna að halda niðrí mér hlátrinum, en sagði þó með stillingu; já...get ég fengið vatn líka ? " .... " Ó Ó Óóóó... er hann með Mixið ? " spyr hún þá ,og ýtir Mix glasinu mínu að sessunaut mínum. !! Nei, en get ég líka fengið vatn ? spyr ég,og átti orðið ansi erfitt með að halda lífi þarna við borðið, svo mikið langaði mig að hlægja. .. "Já, ég hélt bara að ég hefði komið með þetta vatn handa þér, en ekki að þetta væri bæði fyrir hann" sagði þá þessi bráðskarpa þjónustustúlka og við þá setningu, þá lamaðist ég af hlátri en sessunautur minn sagði ákveðinn : " í Fyrsta lagi, þá komst þú ekki með þetta vatn, ég sótti það sjálfur ! Þannig að hvernig þér gat dottið það í hug að það væri fyrir sessunaut minn er mér hulin ráðgáta. Í öðru lagi, eins og við erum búnir að segja nokkrum sinnum, þá vantar okkur bara eitt vatnsglas. Punktur. Við sjáum vel vatnsglasið á borðinu fyrir framan okkur, og erum ekki að panta annað, af því að við höldum að þetta sé ekki hérna !! "

Ég sprakk svo úr hlátri að ég gat ekki degið andann, hreyft mig, melt fæðu eða viðhaldið líkamshita lengur...!! Ég bara missti mig, og var á valdi hláturs í að því er mér fannst, 3 vikur.!!!
Við þetta þá snaraðist þjónustustúlkan í burtu og var greinilega eitthvað skrítin (hugsanlega hreinræktaður bjáni..ég veit það ekki). Eftir stutta stund kemur hún aftur með vatnsglasið, setur það nokkuð ruddalega á borðið og segir eins ess-mælt og hún mögulega gat : " Þið eruð greinilega ekki héðan er það ? " .......nei við viðurkenndum það nú, án þess að skammast okkar neitt svaklega mikið, get ég sagt ykkur. " Nei,,,,,, enda skildi ég ykkur ekki strax" sagði hún þá !!
Það skal tekið fram, að þessi þjónustustúlka var ekki 3 ára. Hún var 100 % Íslendingur (ef fólk héðan er það almennt). Hún var ekki lögblindur mongólíti og VIÐ VORUM EINU VIÐSKIPTAVINIRNIR Í ÖLLU HÚSINU !!!!!
---
Öll mín samskipti við Neskaupsstaðabúa hafa verið á sambærilegum nótum! :) Héðan fer ég í fyrramálið, og það verður vonandi langt þangað til að ég þarf að koma hingað aftur ?
------
Jæja.. svefn hjá mér ..Eða bíddu..var ég búinn að segja ykkur frá mönnunum tveim sem ég var mikið að vinna með í dag ( báðir um sextugt)?. Annar segir mér, að hinn sé því sem næst al-vitur. Hann viti hreinlega allt og sé stundum kallaður sí enn enn (CNN), af því að hann viti bara allt.!! Í hálfa sekúndu hugsaði ég með mér að þarna væri nú kominn maður sem ég gæti nú kanski talað aðeins við, en þá áttaði ég mig auðvitað á því hvar ég var, og fékk svo sönnun þess efnis. " Núú." Segi ég....." Hvað veist þú svona mikið...hvar liggur þekkingin" spyr ég þá.... Þá segir fíflið sem alltaf hafði orðið : (lesist með fábjánaröddu)..." Hann veit næstum hvað allir heita á Eskifirði og rosalega margir á Reyðarfirði " !!!!
---
Ég gleypti tunguna í mér, lét mig hverfa, og ákvað að sinna vinnunni að mestu leyti einn Það sem efitir lifði dags.

Kveðjur úr leiðindalandi...Carl Berg

p.s: Mola dagsins fær Þorvaldur samstarfsfélagi minn á Akureyri ; Hvernig datt þér eiginlega í hug að fæðast hérna ???:)

Þjóðfélagið á hraðleið...!!!!!

2008-01-21T23:25:00.001Z

Samfélagið hefur tekið kipp... allt í einu eru hjól samfélagsins farin að snúast og hlutirnir að gerast. Loksins eitthvað að skrifa um og yfirvinnutíð hjá fréttamönnum.
---
Lítum á málið:
--
Rétt að meðan þjóðin var svo upptekin af því að við værum að gera í brækurnar á Em í handbolta, komu margir til hjálpar til að dreyfa athyglinni. Bobby Fischer fórnaði sér fyrir þjóðina, svo við hefðum eitthvað annað að tala um en handbolta. Kallinn hefur marg oft reynt að draga athyglina að Íslandi, og Björn Bjarnason launar honum það, með því að "banna honum" að hvíla á Þingvöllum. Það jú víst þegjandi samkomulag um að sá grafreitur hvíli í friði. Auðvitað er allt annað upp á teningnum í öðrum kirkjugörðum landsins, þar sem slíkt samkomulag er ekki í gildi. Þar er ætlast til þess að menn stundi grimmt partýstand í tíma og ótíma. En sorglegt fráfalls Bobbys var ekki nóg til að við hættum að hugsa um handboltann.. enn þurftu menn að velta þessu fyrir sér í hverjum einasta fréttatíma, íþróttatíma, og á kaffistofum vinnustaða um land allt. Það var klárlega kominn tími á dramatískari aðgerðir!!!

--

Einn framsóknarframmámaðurinn var reyndar búinn að reyna að benda þjóðinni á að jakkafötin hans Björns Inga kostuðu tæpa milljón og að hann sé svo blankur eftir REI málið að hann hafi ekki einu sinni haft efni á að borga sokkana sína, og því neyddist flokkurinn til að hlaupa undir bagga með honum.En auðvitað eru framsóknarmenn vanir slíku bruðli og kipptu sér ekkert upp við slíkt. Björn Ingi sá sér þann kost vænstan að fara nánast að grenja fyrir framan myndavélina á Rúv (ekki í fyrsta skipti svo sem) og tilkynna þjóðinni að hann væri svo veikgeðja að hann gæti bara ekki staðið í þessu lengur... það væru allir eitthvað svo ósáttir við sig. Enginn kippti sér upp við þetta... eðlilega.. hvenær ætla þessir vitleysingar að átta sig á því að það er bara öllum alveg nákvæmlega, skítsama um þennan framsóknarflokk, og hvað þeir eyða sínum peningum í ?
---
Skipan Davíðssonar við héraðsdómara við Norður og Austurland virtist þegar hér var komið við sögu, hafa átt sér stað fyrir mörgum árum síðan, að minnsta kosti eru allir búnir að gleyma þeirri skipan, enda alltaf eitthvað "spennandi" að gerast í íslenskum þjóðmálum. Til að tryggja endanlega að þjóðin myndi ekki einu sinni hvað sonur Davíðs heitir, í hvaða flokki Björn Ingi er, eða að Bobby Fischer var snar geðveikur, þá kom Doktor Ólafur F, og bjargaði málunum. Nú er hann búinn að koma ár sinni þannig fyrir borð, að hann þurfi aldrei aftur að skoða gyllinæð gamalmenna á fjársveltum landspítalanum. Hann er sem sagt búinn að koma sér í stól Borgarstjóra Reykjavíkurborgar. Hvar þessi fádæma hringavitleysa endar, veit náttúrulega enginn. Líklega hangir þessi meirihluti þangað til að Ólafur F þarf að stíga af stóli borgarstjóra og horfa á Sir William taka við....þá verður eflaust einhver sakaður um trúnaðarbrest og myndaður enn einn meirihlutinn....!!!
Já við erum heppnir Íslendingar. Við erum heppnir að hafa eitthvað að lesa um í blöðunum á morgnanna, og að ræða um á bloggsíðum okkar. Við erum heppnir að ennþá er til fólk sem er til í að fórna sér fyrir réttan málstað. Fólk sem er til í að sjá til þess að þjóðin hafi ekki hugmynd um að flestir almennir kjarasamningar eru löngu útrunnir og kjaraviðræður ekki að skila nokkrum árangri. Það er gott að vita til þess að það er til fólk sem dreyfir athyglinni frá þeirri staðreynd að nýlega var rúmlega 50 manns sagt upp stöfrum í sjávarútvegi í Eyjafirði, og að HB Grandi bætti við einhverjum tugum á Akranesi í dag. Íslenskur efnahagur er að drulla á sig, og verðbréf falla meira en sóknarmaðurinn Drogba gerir hjá Chelsea, um þessar mundir.

--
En þá er nú einmitt komið að kjarna málsins... Allt þetta hefur fallið í skuggann af því sem raunverulega gerðist í dag...
--
Liverpool gerði jafntefli á heimavelli gegn Aston Villa, og þar á bæ sjá menn til þess að ég þurfi ekki að hugsa um svona hluti...
---
Andskotans fokk alltaf hreint...!!!!!!!!
--
Carl Berg

ps: mola dagsins fær aftur litli bróðir minn...fyrir að vera einn af fáum sem sínir þessari síðu áhuga...:)

Stutt um EM í handbolta.

2008-01-20T22:04:00.000Z

Þá eru strákarnir okkar rétt að verða búnir að gera í brækurnar á Evrópumótinu í handbolta sem fram fer í Noregi. Fyrirfram var að sjálfsögðu búist við því að við myndum rúlla þessu móti upp, en ég hafði þó alltaf mínar efasemdir. Eftir að hafa látið Svía rasskella okkur í fyrsta leiknum, mættum við lélegasta liði mótsins og náðum, með sterkri vörn, að sigra þá... nokkuð sannfærandi bara. Auðvitað reis þjóðin upp og hélt að nú værum við komni í gang, en aftur hafði ég rétt fyrir mér og í dag voru það Frakkar sem sönnuðu mál mitt, með því að gjörsigra okkur.

---

það verður að segjast eins og er, að varnarleikur okkar er á köflum nokkuð sterkur og þó svo að markvarslan sé að venju sveiflukennd, þá hefur hún verið nokkuð góð miðað við oft áður.

Sóknarleikur okkar er hins vegar svo fáránlega lélegur að maður hafði fyrir mótið ekki ýmindunarafl til að láta sér detta í hug að nokkurt lið gæti verið svona lélegt sóknarlega.

---

Siggi Sveins sagði í viðtali við visir.is í dag, að strákarnir væru ekki að valda þessu í sókninni án Ólafs Stefánssonar, en því er ég alls ekki sammála ! Fyrir utan þá staðreynd að við vorum rasskelltir af Svíum þegar Ólafur var með, þá finnst mér leikur hans bara hafa verið afskaplega sveiflukenndur í marga mánuði. Hann hefur átt stórleiki inná milli, en oftar en ekki finnst mér hann vera að "erfiða" allt of mikið.

---

Það skal tekið fram, að það var ekkert stór-afrek að vinna lélega Slóvaka, hvort sem Ólafur var með eða ekki...þeir voru einfaldlega bara svo hrikalega lélegir. Svíar gerðu talsvert betur en við á móti þeim, og hreinlega gerðu lítið úr þessu lélega liði, og skoruðu yfir 40 mörk!. Slóvakía er án efa lélegasta liðið á þessu móti (enda enduðu þeir neðstir) og við skulum fara varlega í að hrósa okkur af þeim sigri.

---

Það er fátt sem kemur á óvart í okkar leik, nema þá kanski helst að markvarslan er ívið betri en oft áður. Ég bjóst við okkur sterkum varnarlega, og lélegum sóknarlega. Ég átti þó von á, eins og flestir, að við gætum spilað okkar hraða leik, náð einhverjum hraðaupphlaupum og þannig gert bæði Guðjón Val og Alexander að lykilmönnum, en það hefur komið á daginn að þeir félagar, sem annars eru firnasterkir, hafa lítið sem ekkert sést. Skoði maður varnarleikinn sérstaklega, kemur þó í ljós að Alexander er einn sá al-flinkasti varnarmaður sem maður hefur séð í langan tíma..eins og nútíma handboltinn hefur þróast.

---

Að þessu sögðu vil ég geta þess að ég á ekki von á því að við " náum okkur upp" úr þessari lægð. Það er einfaldlega ekki neitt að ná sér upp úr .. ég tel okkur vera þar, sem við eigum heima. Við erum bara einfaldlega ekki betri en þetta. Við gætum unnið Ungverjana í milliriðlinum, ef við eigum stórleik, en ég spái okkur lágmark 5 marka tapi á móti hinum liðunum...Því miður.

---

Óþarfi að skamma Alfreð... hann hefur enga ása upp í erminni, og getur lítið gert í þessu. Svona er þetta bara, og til að segja eitthvað jákvætt.. .þá getum við nú samt verið stolt af liðinu okkar. Við erum jú bara 300.000 manna þjóð norður í ballarhafi og þar af er líklega helmingurinn innfluttir Pólverjar sem eru flinkari með hamarinn en handboltann!!

---

Kveðjur að norðan... Carl Berg

p.s: Mola færslunnar fær konan mín : You are not everything.. you are the ONLY thing !!

lítil gáta !

2008-01-20T21:37:00.000Z

Bræðurnir Haraldur Skinkuson og Hannes Skinkuson sitja inná hótelherbergi. Þeir eru eineggja tvíburar og eru að ræða um skonsur þegar inn í herbergið gengur hávaxinn maður að nafni Uggi Ferdinand.
Nú spyr ég : Er möguleiki á því að Uggi sé bara frændi annars þeirra en ekki hins ?

Svar óskast....Carl Berg

p.s : Mola dagsins fær Alfreð Gíslason: það er alltaf erfitt að baka köku úr drullu !!!

Strætóferð

2008-01-19T16:27:00.001Z

Skírnir Freyr vakti mig í "morgun" með þeim orðum að við þyrftum að drífa okkur út, til að fara í gula strætóinn. Hann hefur alveg eintaklega gaman af því að fara út í strætó þessi kútur. Það var ekki að spyrja að því, að ég reif mig bara á lappir og ákvað að verða við þessari bón...eða þessari skipun..eftir því hvernig á það er litið. Mamman, Pabbinn og Skírnir klæddu sig öll upp í kuldaföt og svo var haldið með kerruna niður í bæ og fyrsti strætóinn tekinn....eitthvað út í bláinn. Skírnir ljómaði svo í ökuferðinni að það var ekki hægt annað en að dást að því. Hann tilkynnti reglulega, hátt og snallt yfir allan vagninn, þegar farþegar yfirgáfu vagninn eða nýjir bættust inn. Að sjálfsögðu hermdi hann eftir hljóðinu í vaginum allan tímann, og það var augljóst að það var hann sem stjórnaði þessari stætóferð...ekki vagnstjórinn.

Eftir að hafa tekið hring með strætó, tók við langur göngutúr uppá brekku og heimsóttum við ömmu í Rauðu og fengum hjá henni kaffisopa. Skírnir tróð í sig konfekti og ávaxtahlaupi, svo miklu að þegar hann fékk sér mjólkursopa, þá sullaðist það út um allt, einfaldlega af því að það komst ekki meira fyrir í munninum á honum. Eftir stundarstopp hjá ömmu var haldið heim á leið og farið heldur hratt yfir. Við hlupum niður alla brekkuna með tilheyrandi rallý hljóðum og látum, og enduðum ör-þreytt í ganginum heima hjá okkur, nú rétt fyrir stundu. Það var lítill og þreyttur snáði sem sofnaði í fanginu á mömmu sinni með Liverpool-pelann uppí sér, núna rétt áðan.

Annars styttist í að við Haukur förum til Liverpool og sjáum þar liðið okkar taka Sunderland í kennslustund, og erum við farnir að hlakka talsvert til. Það er jafnvel von á því að Odda mágkona kíki í heimsókn til henna Rósu minnar á meðan, og sjái til þess að hér verði allar reglur haldnar og enginn fíflagangur á meðan.

En nú styttist leik íslenska landsliðsins í handbolta, og ef marka má rödd þjóðarinnar þá er það eingöngu formsatriði að spila þennan leik, við erum svo gott sem búinn að sigra. Ég er hóflega bjartsýnn og það kæmi mér ekkert á óvart þó að við skitum uppá bak og töpuðum þessum leik. Það kæmi mér heldur ekki á óvart þó við yrðum í neðsta sæti í þessum riðli og liðið kæmi býsna skömmustulegt heim af þessu móti, með öngulinn í rassinum...

Jæja..það biðja allir að heilsa að norðan, og fólk er vinsamlegast beðið um að kvitta fyrir sig, heimsæki það síðuna á annað borð...annað þykir argasti dónaskapur og verður ekki liðinn til lengdar!!!

Carl Berg

P.s: Mola dagsins fær hún Amma mín í "Rauðu"..: Láttu þér batna sem fyrst.

Má ég kynna....

2008-01-18T23:34:00.000Z

Jú sælt veri fólkið...

Þá er komið að því að kynna fjölskyldu mína í máli og myndum og lít ég á þetta sem æfingu í því að setja inn myndir og texta á bloggið mitt. Það er ekki seinna vænna að fara að læra þetta, þar sem heimsóknir á síðuna eru komnar vel á aðra milljón, dag hvern!!!

Hefst þá formleg kynning á fjölskyldunni að Eiðsvallagötu 1 á Akureyri:

Húsmóðirin á heimilinu er komin vel yfir fimmtugt og heitir Kristín. Hún er alveg klárlega ekki með nema annað heilahvelið tengt, því hún er fáránlega rugluð og klikkuð flesta daga vikunnar.. ÚÚÚPPSSsss...... sorry..

Þetta var víst lýsingin á fjölskyldunni á efstu hæðinni... Það stóð til að lýsa fjölskyldunni á miðhæðinni...jæja..tilraun tvö;)

Fjölskyldan Eiðsvallagötu 1- MIÐHÆÐ !!! :

Þetta er óvenju falleg fjölskylda á öllum aldri. Mín heittelskaða og höfuð fjölskyldunnar er Þorbjörg Rósa Jónsdóttir fædd árið 1912. Sjálfur heiti ég Carl Berg og er fæddur löngu síðar. Þorbjörg sem iðulega er kölluð Tobba, á son frá fyrra sambandi sem heitir Haukur Daði, og er hann óvenjulega vel gefinn miðað við það að vera ekki líffræðilegur sonur minn. Þá á ég son frá fyrra sambandi sem heitir Ólafur Atli og er hann akkúrat jafn vel gefinn og búast mátti við af líffræðilegum syni mínum. Yngsti Púkinn á heimilinu og sameiginlegur sonur okkar heitir svo Skírnir Freyr, og er hann ekki síður en hinir, bæði fallegur og vel gefinn. Þetta eru sem sagt þrír fallegustu og best gefnustu synir landsins, eftir því sem ég best veit.
Ólafur Atli
Það verður ekki farið nánar í að útlista skapgerð fjölskyldumeðlima að þessu sinni, að öðru leyti en því, að augljóslega má lesa hógværð,hlýju og samheldni úr þeim orðum sem hér á undan eru rituð.
Haukur Daði og litla frænka sín

Hér að neðan stóð til að setja inn lítið skemmtilegt Vídeo af Skírni, en þegar þetta er ritað, er klukkan orðin rúmlega 02:00 og tölvan búin að vera að "uploada" vídeo-inu síðan fyrir klukkan 01:00...svo þetta hlýtur að hafa klikkað eitthvað. Þó svo að ég hafi alltaf verið talinn með þolinmóðustu mönnum, þá hef ég allavega ekki þolinmæði í að bíða lengur eftir þessu drasli... Vídeóið kemur síðar.. nánar tiltekið þegar ég er búinn að skamma Ragnar bróðir fyrir að vera ekki búinn að kenna mér að setja það inn!!!
Ég hafði ákveðið að skrifa eitthvað svo miklu meira hérna, en fyrst ég lét tölvu drusluna mína stela af mér rúmum klukkutíma í að reyna að uplodada þessu vídeói, þá bara hreinlega verð ég að fara að sofa...ég bendi áhugasömum á, að ég kenni Ragnari bróður alfarið um þetta!!! Svei þér Ragnar...!!!!

Jæja..ég er farinn að sofa... ég ætla áður en ég kveð, að tilkynna að í lok hvers bloggs hér eftir, þá ætla ég að senda einhverjum Mola dagsins. Þeir sem fá sneiðina, eiga að þekkja hana.

Bestu kveðjur að norðan...Carl Berg

P.s: Mola dagsing fær litli bróðir : You never walk alone.....

Hvað er málið ??

2008-01-17T20:59:00.000Z

Hvernig í lifandis ósköpunum stendur á því, að öll lið sem ég tek uppá því að styðja í íþróttum, hreinlega skíta síendurtekið upp á bak, og geta ekki rassgat ??
Ég byrjaði ungur að styðja knattspyrnuliðið ÞÓR frá Akureyri. Hvers vegna er mér alveg fyrirmunað að skilja, en þeir hafa aldrei getað neitt í fótbolta svo heitið geti og ekki er að sjá að það komi til með að breytast í bráð.
Liverpool er óumdeilanlega það íþróttafélag sem ég elska mest og í raun eru tilfinningarnar svo miklar í sambandi við það, að mörgum finnst nóg um. Það er ekki að spyrja að því að Liverpool er búið að gera svo í brækurnar undanfarið að lyktina leggur alla leið til Manchester... þeir finna hana bara ekki þar, vegna þess að það hefur alltaf verið svo mikil skítafýla í þeirri borg hvort eð er !!
Ég fæddist auðvitað Íslendingur (get ekkert að því gert), og styð því íslenska landsliðið í handbolta eins og hver einasti Íslendingur gerir. Það er auðvitað ekki að spyrja að því... um þessar mundir er hlegið að landsliðinu okkar um víða veröld...að minnsta kosti í Svíþjóð!
Já góðir landsmenn... Íslendingar voru hýddir í Noregi, nú fyrir stundu. Við ætluðum að sigra heiminn, verða Evrópumeistarar og fara heim með fallegustu dömunni á ballinu, en hófum baráttuna á því að láta Svía minna okkur illilega á, hvaðan við komum, og að það borgi sig ekki að spenna væntingarbogann of mikið.
Við erum þrátt fyrir allt bara lítil eyþjóð norður í ballarhafi og vorum hressilega minnt á það í leiknum í kvöld. Þetta var hreinlega slátrun af verstu gerð, og ég verð að segja það hreint út, að við vorum bara drullu lélegir í þessum leik...ekkert meira um það að segja..
Það er spurning um að fara með öðru hugarfari á svona stórmót.. vera til dæmis ekki búinn að vinna mótið fyrirfram, líkt og við gerum ávallt í Eurovision, heldur reyna að einbeita sér að því að vinna leikina á meðan við erum að spila þá... slíkt er vænlegra til árangurs!
En hvort sem það er Eurovision, eða handboltinn... þá erum við örugglega sú þjóð sem er búin að vinna flestar keppnir áður en að þær hefjast... við erum svo auðvitað búin að vinna sjaldnast, þegar kemur að sjálfum keppnunum...
Þetta var lélegt í alla staði og vonandi kemur þetta mönnum niður á jörðina svo þeir geti spilað handbolta í næsta leik. Þetta var hressileg áminning (rasskelling) um að við erum ekki bestir, flottastir, stærstir og ósigrandi, fyrr en við erum búnir að sanna að við séum það!!!
Það fást enginn stig fyrir að vinna leikina fyrirfram...því miður.

Carl Berg

Andleysi

2008-01-14T21:44:00.000Z

Það hittir svo skemmtilega á, að loksins þegar besti bloggari landsins ákveður að leyfa þjóðinni að njóta skrifa sinna, þá er bara andskotann ekkert til að skrifa um. Áður en ég tók þessa síðu í gagnið, þá var ég svo uppfullur af hugmyndum að einhverju til að skrifa um, að ég átti erfitt með að festa svefn af þeim sökum. En núna dettur mér fjandakornið ekki neitt í hug. Bara ekki dropi ! Stærstu fréttirnar í fjölmiðlunum þessa stundina eru að eitthvert sílikon sveppasmettið í Ameríku hafi drukkið íslenskt vatn í fangelsi, að einhver hafi nennt að gista á Hótel Keflavík og að löggan á Íslandi hafi mikið að gera... hvernig í déskotanum er hægt að blogga um slíkt ?
Þá er ekkert annað að gera en að tala um sjálfan sig.
Það er reyndar fátt sem mér dettur í hug að skrifa um sjálfan mig. Ég er í einhverju leti stuði þessa dagana. Ég hef ekki ennþá nennt að setja upp hillurnar sem konan er búin að nöldra lengi í mér um að koma upp. Ég hef ekki ennþá nennt í ljós, sem ég hef ætlað að gera í marga mánuði. Ég hef ekki ennþá hrist af mér slenið og dregið einhvern með mér í badminton, eins og ég var búinn að ákveða fyrir löngu síðan. Óttarlegt andleysi er þetta eiginlega.. maður hljómar bara eins og Þórður sjóari (fyrir þá sem ekki vita það, þá er Þórður sjóari sjúklega þunglyndur hugarburður sjálfs míns...karakter sem ég bjó til fyrir mörgum árum og gaman er að bregða fyrir sig á ákveðnum stundum..hann er klikkaður í skapinu, og sauðheimskur).
Ég er reyndar sannfærður um að lífsorkan og ofvirknin banka uppá hjá mér von bráðar...það styttist í að maður haldi stórt pub-quiz hérna á Akureyri, og ef ég þekki sjálfan mig rétt, þá á ég eftir að verða duglegur við að finna mér eitthvað að gera..ég er vanur að sjá til þess að ég hafi brjálað að gera...og þannig vil ég líka hafa það.

Jæja.. nóg í bili.. ég kem með aðra færslu síðar í kvöld, ef andinn kemur yfir mig..

Insjallah..Carl Berg

Vísnasamkeppni

2008-01-13T17:12:00.001Z

Ég hef í samvinnu við CarlBerg holdings h/f , ákveðið að efna til vísnasamkeppni.
Keppnin fer þannig fram að ég kem með fyrripart sem lesendur síðunnar reyna að botna. Dómnefnd kemur svo til með að velja besta seinnipartinn og hlýtur sigurvegarinn að launum gjafabréf í versluninni Dacca cosmics, að verðmæti 80.000 krónur. Engin smá verðlaun á ferðinni !!! Þess má til gamans geta að Dacca cosmics er einmitt ein stærsta snyrtivöruverslunin í Dacca, höfuðborg Bangladesh.
En hér kemur þá fyrriparturinn:

Davíðsson er dapur kappi
Deyr þó ekki ráðalaus

ps: Það er afar mikilvægt að skrifa tillögurnar í kommentakerfið ,og helst að hafa fyrripartinn með,svo dómnefnd geti glöggvað sig betur á samhenginu.

Carl Berg

2008-01-13T16:57:00.000Z

Ég hafði ákveðið að skella inn bloggfærslu í gærkveldi, ef ég yrði ekki í þeim mun verra skapi eftir Liverpool leikinn. Glöggir lesendur þessarar síðu (sem munu vera nokkur hundruð þúsund samkv.nýjustu tölum) hafa eflaust tekið eftir því að ekki kom bloggfærsla í gærkveldi. Það stafar sem sagt af því að ég var í afar slæmu andlegu ásigkomulagi eftir að mínir menn rétt drulluðust til þess að gera jafntefli við hundleiðinlegt lið Middlesbro! Ég er ekki viðræðuhæfur eftir svona leiki, og engum er greiði gerður með því að ég skrifi inná bloggsíðuna mína í slíku skapi.
En að allt öðru;
Liverpool er búið að gera fjögur jafntefli í röð... það er ekki forsvaranlegur árangur hjá þessum klúbbi.
En að allt öðru ;
Liverpool hefur ekki unnið leik það sem af er árinu !!!
En að einhverju allt öðru;
Ég er að fara að horfa á Liverpool spila á móti Sunderland um mánaðarmótin og vonandi næ ég að hitta leikmenn og þjálfara til að lesa yfir hausamótunum á þeim.
En að allt öðru;
Liverpool var að kaupa varnarmann á rúmar sex milljónir punda..Ég tel næsta víst að við vinnum deildina, eftir þessi kaup...ekki spurning !
En að allt öðru;
Slúðrið segir að nú séu Amerísku bjánarnir sem keyptu Liverpool að hugsa um að selja klúbbinn aftur, því þeir eiga ekki bót fyrir boruna á sér,og séu hættir að hafa efni á því að borða humar í morgunverð og hafi ekki einu sinni efni á því lengur að skeina sér á 20 punda seðlum... Ég vona að þessir bjánar selji klúbbinn sem fyrst og við taki breyttir tímar hjá okkar ástsæla klúbbi...
En að allt öðru;
ÁFRAM LIVERPOOL !!!

Carl Berg

Nú prófar maður bloggið

2008-01-12T10:21:00.000Z

Jæja, þá er að prófa sig áfram í þessu bloggi... þetta er prufufærslan.. ég á von á því að fyrsta alvöru bloggfærslan líti dagsins ljós í kvöld... Þegar andinn kemur yfir mig... Liverpool á útileik gegn Middlesbro kl 15 í dag. Carl Berg verður á Allanum með fánann sinn að hvetja rauða herinn til sigurs. Ef ég verð ekki í þeim mun verra skapi eftir þennan leik, er aldrei að vita nema ég hendi inn einni færslu um málefni líðandi stundar... Sjáumst þá.

Carl Berg

Ameríka

2008-01-11T19:17:00.000Z

Á meðan Rússar sýna mátt sinn og megin með því að hertaka japönsk fiskveiðiskip og sigla hálfum orrustuflota sínum inn í íslenska landhelgi, þá sýna Bandaríkjamenn hann með því að handtaka fyrsta farrýmis túrista frá Íslandi fyrir það eitt að hafa ekki fattað það nógu snemma hvað Bandaríkin eru í raun plebbalegur staður, og hafa þar af leiðandi ekki drullað sér fyrr úr landi, fyrir einhverjum 15 árum eða svo.

Eðlilega brugðust þeir við eins og um stórglæpamann og hryðjuverkahrotta væri að ræða,enda ekki á hverjum degi sem einhver vogar sér inní land hinna frjálsu, með slíkan glæp á bakinu sem þetta er. Ég er í raun steinhissa afhverju þeir notuðu ekki hina margrómuðu “drukknunnaraðferð” sína við að yfirheyra hana, fyrst þeir vildu á annað borð fá að vita hverrar trúar hún væri og hvenær hún hafði síðast á klæðum. Það vita það allir að slíkar yfirheyrsluaðferðir skila öruggustum árangri og því hefði verið rétt af þeim að beita þessari aðferð, vildu þeir á annað borð fá rétt svör. Þú getur nefnilega bókað að ljóska frá Íslandi sem er búin að drekka hvítvínsglas getur ekki sagt satt í fimm klukkutíma!!!! Þetta hefði verið hægt að sannreyna með einfaldri spurningu: "How much do you weight ?" Svarið við þeirri spurningu ætti að gefa þessum mönnum nokkra hugmynd um hvort viðkomandi er lygari í eðli sínu eða ekki og þá hefði verið hægt að sækja vatnsfötuna, legubekkinn og plastfilmuna strax!

En svo má líta þetta mál með öðrum augum......

Það má vel líta svo á að það hafi bara alls ekki verið farið illa með þessa konu.

Fyrir það fyrsta hefur það komið í ljós að heimamenn beittu ekki drukknunartækninni margfrægu við yfirheyrslur sínar. Það eitt og sér þætti nú mörgum ansi öfundsvert sem hafa verið handteknir af Bandarískum yfirvöldum. Í annan stað var hún nú bara flutt til New Jersey en ekki til Kúbu, í fangelsi. Í þriðja lagi má vel færa rök fyrir því að hún hafi notið allra þæginda sem kerfið búi uppá. Þar er ég að tala um salerni, stól, rútuferð, svo ekki sé talað um flugfarið heim. Ég sæi Bandaríkjamenn taka svona á einhverjum Mexíkanakrattanum sem þeir hafa veitt í ruslapoka við landamærin hjá sér. Sá fengi aldrei að vera í haldi og yfirheirslum í 15 klukkutíma með tilheyrandi skýrslugerð,klósettferðum ræðismannsaðstoð og þessháttar lúxus... nei þakka þér fyrir... þeim einstaklingi yrði einfaldlega sparkað yfir landamærin aftur eins og drukknum útlendingi af skemmtistað í Reykjavík. Með skófarið á rassgatinu myndi hann umsvifalaust byrja aftur að leggja á ráðin um hvernig í fjandanum hann gæti reynt að komast fram hjá þessum bjánum. Tölfræðin sýnir reyndar að honum komi til með að takast það á endanum. Það eru yfir 15 milljón mexikanar ólöglega í þessu landi og það þarf enga tölfræði til að segja meðalgreindum manni að þetta séu í raun bjánar. En Lillendahl lét þá brjóta sig niður,og ætlar aldrei að heimsækja Bandaríkin aftur... alveg er ég viss um að bandaríkjamenn séu miður sín yfir þeirri staðreynd...öööööööööööööööösssssssssssssss........